Նայում եմ քեզ, փորձում հպվել...
Մոտեցնում եմ ձեռքս այտիդ.
Բայց շոյում եմ առանց կպնել,
Առանց հպման զգում հոգիդ:
Հոգին քո պարզ ու սիրելի,
Որ թաքցնում ես ինձնից անգամ:
Չեմ մեղադրում. այն ինձ էլի
Հարազատ է ու բարեկամ:
Ինձ քեզանից պետք չէ ոչինչ.
Միայն մի գիրկ ու մի համբույր:
Եւ կունենամ ես ամեն ինչ...
Երկրի վրա ու ամենուր:
Ուր էլ լինեմ, գեթ մեկ համբույր.
Օդ կունենամ ես շնչելու:
Իսկ քո գիրկը ջերմ ու ամուր՝
Օթեւանն է իմ հանգչելու...
Комментариев нет:
Отправить комментарий